სამკურნალო მცენარეები » სრულყოფილება ხელმისაწვდომია


 
 
 


სამკურნალო მცენარეები

ავტორი: eka777 3-10-2012, 21:08, ნახეს: 6562

Share
0
საქართველოში გავრცელებული სამკურალო მცენარეები და მათი დახასიათება...

სამკურნალო მცენარეები


ფარსმანდუკი
ზოგადი დახასიათება:


სამკურნალო მცენარეები

მრავალწლოვანი, 30-70 სმ სიმაღლის მცენარეა; ღერო სწორმდგომია, ზედა ნაწილში დატოტვილი; ფოთოლი ორ-სამმაგ ფრთისებრაა განკვეთილიპატარა ზომის ხაზურ ნაკვთებად; კალათები ცილინდრულია, 5-8 მმ სიგანის, შეკრებილია ღეროს კენწეროზე რთულ ფარისებრ ყვავილედებად, ენისებრი ყვავილი თეთრია ან ყვითელი.გამოყენება: ფარსმანდუკის ბალახს, ასევე მის წვენს გააჩნია სისხლის შემდედებელი და ანთების საწინაღმდეგო თვისებები, აძლიერებს ნაღვლის დენას. გამოიყენება კოლიტის, წყლულოვანი დაავადებების და შარდგამომყვანი გზების ანთებისას.მომთაბარეები სხვა სამკურნალო მცენარეებთან ერთად აგროვებენ ბავშვებისათვის სამკურნალო აბაზანების მოსამზადებლად.


კოლხური უცუნა
ზოგადი დახასიათება:


სამკურნალო მცენარეები

მრავალწლოვანი მცენარეა, ყვავილები ვითარდება შემოდგომაზე, ხოლო ფოთოლი და კოლოფი გაზაფხულზე; ყვავისაფარის ფოთლები მოიისფრო - მოვარდისფროა, დიდი ზომის, 4-7სმ დიამეტრის; ტუბერბოლქვიც დიდი ზომისაა 5-6 სმ სიგრძის.გამოყენება: უცუნას ტუბერბოლქვი შეიცავს კოლხიცინს და კოლხამინს. კოლხიცინს გააჩნია თვისება შეაჩეროს უჯრედის ბირთვის გაყოფა. გამოიყენება კანის და საყლაპავი მილის კიბოს დროს. მომთაბარეები მისი ბოლქვების სპირტიან ხსნარს იყენებენ რევმატული დაავადებების დროს როგორც დასაზელ საშუალებას.მთელი მცენარე შხამიანია, ამიტომ მისი გამოყენების დროს სიფრთხილეა საჭირო.


ზაფრანა
ზოგადი დახასიათება:


სამკურნალო მცენარეები

მრავალწლოვანი მცენარეა, ყვავილობს შემოდგომაზე, ყვავილსაფარი მოყვითალო-მოთეთროა, ყვავილსაფრის ფოთლები მახვილწვერიანია; ფოთლები ვითარდება გაზაფხულზე, ყვავილობის დროს უკვე ხმება.
გამოყენება: გამოიყენება როგორც ტკივილგამაყუჩებელი, ამგზნები, მადის მომგვრელი, ოფლმდენი, ამოსახველებელი, დამამშვიდებელი, მასტიმულირებელი საშუალებები ადგილობივი მოსახლეობა ზაფრანას ბოლქვის სპირტიან ნაყენს იყენებს რევმატული დაავადებების დროს. მისი ყვავილის დინგი გამოიყენება პარფიუმერიაში.


ნაღველა ჯვრისებრი
ზოგადი დახასიათება:


სამკურნალო მცენარეები

მრავალწლოვანი, 10-35 სმ სიმაღლის მცენარეა; ღერო მსხვილია, წამოწეული; ფოთოლი კვერცხისებრ-ლანცეტაა ან მობლაგვო წვეტიანი; გვირგვინი ლურჯია, გურზასებრი, გვირვინის ნაკეცები ფოჩიანია.გამოყენება: ანტისეპტიკურია, არეგულირებს საჭმლის მომნელებელ და შარდ-სასქესო სისტემას. ყვავილების ნაყენი როგორც ნაღველამდენი, გამოიყენება ნაღვლის ბუშტის დაავადების დროს. გამოიყენება აგრეთვე ონკოლოგიური დაავადებების დროს. მომთაბარები აგროვებენ პირადი მოხმარების მიზნით.


ნარშავი
ზოგადი დახასიათება:


სამკურნალო მცენარეები

მრავალწლოვანი, 1-1,5 მ სიმაღლის მცენარეა, ღერო მრავალია, დატოტვილი; ფოთლის ფირფიტა ორმაგფრთისებრაა ღრმად განკვეთილი, თითოეული ნაკვთი ეკლითაა დაბოლოებული; კალათა 3-5 სმ სიგანისაა, კალათაში ყველა ყვავილი ერთნაირია, მეწამული ფერის.გამოყენება: გამოიყენება ჰემოროის, შეკრულობის, სწორი ნაწლავის ნახეთქების, პოდაგრის, შარდკენჭოვანი დაავადებების, ცისტიტის დროს. ყვავილი გამოიყენება აგრეთვე როგორც სიცხის დასაწევი და სისხლის გამწმენდი საშუალება. კარგია ათეროსკლეროზის პრევენციის მიზნით.


ხარის შუბლა
ზოგადი დახასიათება:


სამკურნალო მცენარეები

მრავალწლოვანი, 1,5(2) მ-მდე სიმაღლის მცენარეა; ღერო სწორმდგომია, ზედა ნაწილში დატოტვილი; ფოთოლი რომბისებრია, ქვედა ფოთოლები უფრო დიდი ზომისაა, კენწეროსაკენ თანდათან პატარავდება; ყვავილი კალათაა, 2- 4 მმ სიგანის, 5-8 ყვავილიანი, ყველა ყვავილი ენისებრია.გამოყენება: მცენარე გამოიყენება გულსისხლძარღვთა დაავადებების სამკურნალოდ. მისგან ამზადებენ პლატიფილინს, რომელიც გამოიყენება პერიფერიული სისხლძარღვების სპაზმის, კერძოდ, ენდარტერიტის, მიოპათიის დროს.


ნემსიწვერა
ზოგადი დახასიათება:


სამკურნალო მცენარეები

მრავალწლოვანი, 80 სმ-მდე სიმაღლის მცენარეებია; ღერო დატოტვილია; ღეროსეული ქვედა ფოთლები გრძელყუნწიანია, ზედა მჯდომარე; ყვავილები შეკრებილია მრავალყვავილიან ფარისებრ საგველასებრ ყვავილედებად; გვირგვინის ფურცლები მეწამულ-იისფერია.გამოყენება: გამოიყენება კუჭისა და ნაწლავების ლორწოვანი გარსის მწვავე და ქრონიკული ანთებების, ფურუნკულების, ალერგიული ხასიათის დერმატიტების და აბსცესების დროს. ნემსიწვერას ნახარშით იბანენ თავს თმის ცვენის საწინააღმდეგოდ. ფართოთ გამოიყენება ვეტერინარიაში თურქულის სამკურნალოდ.


დვალურა
ზოგადი დახასიათება:


სამკურნალო მცენარეები

მრავალწლოვანი, 15-100 სმ სიმაღლის მცენარეა; ღერო დაღარულია; ფესვთანური და ღეროსეული ქვედა ფოთლები მოგრძო კვერცხისებრია, ყუნწიანი; ღეროსეული ზედა ფოთლები ლანცეტა ფორმისაა, მჯდომარე; ყვავილედი ცილინდრული ფორმის კენწრული მტევანია, ყვავილები ვარდისფერია, ზოგჯერ მოწითალო. გამოყენება: თაფლოვანი მცენარეა. ნორჩი ფოთლები უმად იჭმება. მედიცინაში გამოიყენება როგორც ენტეროკოლიტის, აგრეთვე ინტოქსიკაციის და გასტროგენული კუჭაშლილობის დროს. ანტისეპტიკურია, არეგულირებს საჭმლის მომნელებელ სისტემას. აწესრიგებს საჭმლის მოუნელებლობით გამოწვეულ დისკომფორტს.


ხახვისთავა
ზოგადი დახასიათება:


სამკურნალო მცენარეები

მრავალწლოვანი, 1 მ-მდე სიმაღლის მცენარეა; ღერო სწორია, იშვიათად დატოტვილი; ფოთლები მჯდომარეა, მთლიანი; კალათები ღეროს კენწეროზე მარტოულია, სფეროსებრია ან კონუსისებრი, 3-5 სმ დიამეტრის, ყვავილები ყვითელია. გამოყენება: გამოიყენება როგორც ამოსახველებელი საშუალება სასუნთქი გზების ქრონიკული დაავადებების დროს: ტრაქეიტი, ფილტვების ტუბერკულოზი, ბრონქიტი. ნაყენის მიღება ეფექტურია ზედა სასუნთქი გზების კატარის, ხველის, ასთმისა და ფილტვებისა დაავადებების დროს.


ბეგქონდარა
ზოგადი დახასიათება:


სამკურნალო მცენარეები

მრავალწლოვანი, 5-25 სმ სიმაღლის მცენარეა; საყვავილე ტოტები წამოწეულია, უხვადაა შებუსული მეტნაკლებად გრძელი ბეწვით; ფოთოლი კვერცხისებრია; ყვავილედი თავაკისებრია, ყვავილი მეწამული ფერისაა. გამოყენება: თირკმელების დაავადებების, მშრალი ხველების, ყივანახველას, ბრონქიტის, ბრონქული ასთმის, მეტეორიზმის, კუჭისა და თორმეტგოჯა ნაწლავის წყლულოვანი დაავადების დროს. მცენარეს აქვს აგრეთვე დამამშვიდებელი მოქმედება, კარგია უძილობის დროს.მომთაბარეები მას იყენებენ ჩაის მოსამზადებლად.


დეკა
ზოგადი დახასიათება:


სამკურნალო მცენარეები

მარადმწვანე ბუჩქია 1,5 მ-დე სიმაღლის; ღერო გართხმულია ან წამოწეული; ფოთლები ტყავისებრია, მოგრძო ოვალური; გვირგვინი მოთეთრო ჩალისფერია, ზოგჟერ მოვარდისფრო ან მომწვანო–მოყვითალო. იზრდება მხოლოდ ჩრდილო ფერდობებზე ტყის ზედა საზღვარზე.გამოყენება: მცენარისაგან დამზადებული ჩაი გამოიყენება გულ-სისხლზარღვოვანი სისტემის სამკურნალოდ. დიდი რაოდენობით ტოკსიკურია. მისი ნორჩი ყლორტები გამოიყენება სამკურნალო ჩაის მოსამზადებლად. მომთაბარეები იშვიათად აგროვებან მას.


ფუტკარა
ზოგადი დახასიათება:


სამკურნალო მცენარეები

ორწლოვან / მრავალწლოვანი 40-150 სმ სიმაღლის მცენარეა; ღერო სწორმდგომია; ფოთლები მთლიანია; ყვავილები მოკლეყუნწიანია, შეკრებილია ღეროს წვერზე გრძელ, ხშირყვავილიან ორგვერდა მტევნებად; გვირგვინი მღვრიე ყვითელია. გამოყენება: გამოიყენება როგორც საგულე საშუალება. აძლიერებს გულის მუშაობას და ამცირებს მისი შეკუმშვის სიხშირეს. აუმჯობესებს გულსისხლძარღვოვანი სისტემის ფუნქციონირებას, არეგულირებს სისხლის მიმოქცევას.მომთაბარეები არ იცნობენ მის სამკურნალო მოქმედებას.


ცისფოლიო
ზოგადი დახასიათება:


სამკურნალო მცენარეები

მრავალწლოვანი, 20-60 სმ სიმაღლის მცენარეა; ღერო სწორია, მარტივი ან სუსტად დატოტვილი; ღეროსეული ფოთლები ფრთისებრ დანაკვთულია, ფესვთანური ფოთლები ლანცეტაა, მთლიანი; ყვავილი ცისფერია.გამოყენება: გამოიყენება ჰომეოპათიურ თერაპიაში, სისხლის გამწმანდ საშუალებად, აგრეთვე ჭრილობების, დამწვრობის და კანის სხვა დაზიანებების დროს. მდიდარია სხვადასვა ვიტამინით.


შხამა
ზოგადი დახასიათება:


სამკურნალო მცენარეები

მრავალწლოვანი, 1,5 მ-მდე სიმაღლის მცენარეა; ღერო მსხვილია, სქლად შეფოთლილი; ფოთლები დიდი ზომისაა, ელიფსური; ყვავილსაფრის ფოთლები მომწვანო-ყვითელია.გამოყენება: ძლიერ შხამიანი მცენარეა. სამკურნალოდ გამოიყენება ფესვები. ვეტერინარიაში იყენებენ ცხოველების პარაზიტების და მუნის წინააღმდეგ.ადგილობრივი მაცხოვრებლები მას აფუტარაკს ეძახიან.


ოქროწკეპლა
ზოგადი დახასიათება:


სამკურნალო მცენარეები

მრავალწლოვანი, 1მ-მდე სიმაღლის ბალახოვანი მცენარეა; ფოთლები ქვედა ნაწილში უფრო დიდი ზომისაა, ღეროს წვეროსაკენ თანდათან პატარავდება; კალათები პატარაა, 10-15 მმ დიამეტრის, მოკლეყუნწიანი, ყვავილები ყვითელია.გამოყენება: ხალხურ მედიცინაში ოქროწკეპლას ყვავილი და მთელი მცენარე გამოიყენება ნაღვლის ბუშტის კენჭოვანი დაავადების სამკურნალოდ, როგორც შემკვრელი კუჭის აშლილობის დროს, აგრეთვე სიყვითლისა და ტუბერკულიოზის დროს.მომთაბარეებისაგან შევიტყვეთ რომ მის ნახარშს იყენებენ კვანძოვანი წარმონაქმნების საწინააღმდეგოდ.


მთის ბარისპირა
ზოგადი დახასიათება:


სამკურნალო მცენარეები

მრავალწლოვანი, 20-60 სმ სიმაღლის მცენარეა; ღერო მარტივია, რამდენიმე, სწორმდგომი, ოთხწახნაგოვანი; ფოთლები ფართო კვერცხისებრია, კიდეზე დაკბილული; ყვავილები შეკრებილია 5-10 ყვავილიან ჩხროებად, რომლებიც თავაკისებრ კენწრულ ყვავილებს ქმნის; გვირგვინი ვარდისფერია.გამოყენება: გამოიყენება ფილტვების და ბრონქების დაავადებების, ცისტიტის, ჰაიმორიტის, დაბალი სიმჟავით მიმდინარე გასტრიტის დროს.ადგილობრივი მოსახლეობა ჭამს მის ყვავილებს.



თავშავა
ზოგადი დახასიათება:


სამკურნალო მცენარეები

მრავალწლოვანი, 25 -60 სმ სიმაღლის მცენარეა; ღერო სწორმდგომია; ფოთლები კვერცხისებრია; ყვავილედი ფარჩხატია, საგველასებრი ან ფარისებრი, ყვავილი ვარდისფერია ან ბაცი მეწამული ფერის.
გამოყენება: გამოიყენება როგორც სისხლის შემდედებელი საშუალება, ლაქტაციის გასაძლიერებლად, უძილობის დროს, მეტეორიზმის, ენტეროკოლიტის და ნაწლავების ატონიის დროს. მისი ბალახის ჩაი იწვევს უხვ ოფლდენას.სხვა წლებთან შედარებით მცირე რაოდენობით გვხვდება თლილის მთაზე. მომთაბარეები აგროვებენ პირადი მოხმარების მიზნით.


აღმ. ყაყაჩო
ზოგადი დახასიათება:


მრავალწლოვანი, 20-60 სმ სიმაღლის მცენარეა; ღერო მრავალია, შუამდე დატოტვილი; ფესვთანური ფოთლები ყუნწიანია, წაგრძელებული; ყვავილი აგურისფერ-წითელია, ძირთან მუქი ლაქა არა აქვს.გამოყენება: გამოიყენება თესლები და გვირგვინის ფურცლები, როგორც ოფლის მომყვანი საშუალება. იგი ამცირებს ნერვულ აგზნებას.


ღიღილო
ზოგადი დახასიათება:


სამკურნალო მცენარეები

მრავალწლოვანი, 20-60 სმ სიმაღლის მცენარეა; ღერო მრავალია, შუამდე დატოტვილი; ფესვთანური ფოთლები ყუნწიანია, წაგრძელებული; ყვავილი აგურისფერ-წითელია, ძირთან მუქი ლაქა არა აქვს.გამოყენება: გამოიყენება თესლები და გვირგვინის ფურცლები, როგორც ოფლის მომყვანი საშუალება. იგი ამცირებს ნერვულ აგზნებას.


მთის პიტნა
ზოგადი დახასიათება:


სამკურნალო მცენარეები

მრავალწლოვანი, 30-60სმ სიმაღლის მცენარეა; ღერო სწორმდგომია; ფოთლები კვერცხისებრი ფორმისაა; ყვავილი ვარდისფერია, მეწამული ან ლილისფერი.გამოყენება: გამოიყენება კუჭის აშლილობის და საჭმლის მომნელებელ სისტემაში დარღვევების წინააღმდეგ, აწყნარებს შეტევითი ხასიათის ტკივილებს, ამდიდრებს ჟანგბადით ტვინის უჯრედებს. იყენებენ ჩაის დასამზადებლად. სპობს პირში უსიამოვნო სუნს.



ქაფუნა
ზოგადი დახასიათება:


სამკურნალო მცენარეები

მრავალწლოვანი, 20-60 სმ სიმაღლის მცენარეა; ღერო სწორმდგომია; ფოთლები უკუკვერცხისებრ - სოლისებრია; კალათები 10-20 მმ დიამეტრისაა, ენისებრი ყვავილები თეთრია.გამოყენება: ადგილობრივი მოსახლეობა სხვა სამკურნალო მცენარეებთან ერთად იყენებს აბაზანების მოსამზადებლად გაციების დროს. მდიდარია ვიტამინებითა და აზოტის შემცველი ნივთიერებებით.



თხაწართხალი
ზოგადი დახასიათება:


სამკურნალო მცენარეები

მრავალწლოვანი, 50-150 სმ სიმაღლის მცენარეა; ღერო სწორმდგომია, ხშირფოთლიანი, ფოთლები მორიგეობით ან ჩხროებად განლაგებული; ყვავილი მეწამულ-ვარდისფერია.გამოყენება: ფოთლის ნახარშს სვამენ სურავანდის, კუჭის დაავადებების დროს, ასევე ყელის, ცხვირის, ყურის ანთების დროს. გამოიყენება აგრეთვე როგორც საძილე საშუალება. თხაწართხალას ჩაის იყენებენ წინამდებარე ჯირჯვლის ადენომის დროს. აქვს კრუნჩხვებსაწინააღმდეგო მოქმედება.


ია
ზოგადი დახასიათება:


სამკურნალო მცენარეები

მრავალწლოვანი, ალპური მცენარეა მიწისქვეშა, მხოხავი ყლორტებით; გვირგვინის ქვედა ფურცელი 12-18 მმ სიგრძისაა, იისფერი ან ყვითელი; ყვავილობს თებერვლიდან აპრილამდე.გამოყენება: გამოიყენება თავის ტკივილის, ოფლის მომდენ, შარდმდენ და ამოსახველებელ საშუალებად. ეფექტურია უძილობისას.. მთლიანი მცენარე გამოიყენება, როგორც ანთების საწინააღმდეგო საშუალება, ნაყენის მიღება ეფექტურია ბრონქიტის, ზედა სასუნთქი გზების კატარის, ასთმის დროს.თლილის მთაზე მოიპოვება მცირე რაოდენობით.



უკვდავა
ზოგადი დახასიათება:


სამკურნალო მცენარეები

მრავალწლოვანი, 20-50 სმ სიმაღლის მცენარეა; ფოთლები მწვანეა, აბლაბუდისებრი ან მატყლისებრი შებუსვით, ძირთან მოგრძო ნიჩბისებრი ფორმისაა, ღეროსეული კო თითქმის ხაზურია; კალათა მრავალია, ლიმონისფერ-ყვითელი, 7-10 მმ სიგანის, შეკრებილია მჭიდრო, ფარისებრ ყვავილედებად. გამოყენება: ნეგოს იყენებენ ღვიძლის და ნაღვლსადენი გზების, ასევე კუჭ-ნაწლავის ტრაქტის, შარდის ბუშტისა და თირკმელების დაავადებისას. ნეგოს აქვს კანის რეგენერაციის უნარი. გამოიყენება რევმატული დაავადებებისაას, ცისტიტის დროს და სხვა.საფრთხე: პირადი მოხმარების გარდა აგროვებენ კომერციული მიზნით.რეკომენდაცია: ყვავილების მოჭრა დანით ან მაკრატლით. კულტივაცია საკარმიდამო ნაკვეთებში.


კრაზანა
ზოგადი დახასიათება:


სამკურნალო მცენარეები

მრავალწლოვანი, 80 სმ-მდე სიმაღლის მცენარეა; ღერო სწორმდგომია, ზედა ნაწილში დატოტვილი; ფოთლები ოვალურია, მოფენილია გამჭვირვალე ჯირკვლებით; ყვავილი ყვითელია, გვირგვინის ფურცლები მოფენილია შავი წერტილებით. გამოყენება: გამოიყენება როგორც შემკვრელ, მადეზინფიცირებელ და სისხლის შემდედებელ საშუალებას, შინაგანად იღებენ კუჭ-ნაწლავის ტრაქტის დაავადების, მწვავე და ქრონიკული კოლიტის დროს. იყენებენ ფილტვების დაავადებების და შარდის შეუკავებლობის დროს. გამოიყენება აგრეთვე დეპრესიების დროს, როგორც დამამშვიდებელი საშუალება –ანტიდეპრესანტი. ჯირკვლებიან კრაზანას მომთაბარეები დედალ კრაზანას უწოდებენ, უჯირკვლებოს - მამალ კრაზანას. საფრთხე: პირადი მოხმარების გარდა აგროვებენ კომერციული მიზნით.რეკომენდაცია: ყვავილების მოჭრა დანით ან მაკრატლით. კულტივაცია საკარმიდამო ნაკვეთებში.


კატაბალახა
ზოგადი დახასიათება:


სამკურნალო მცენარეები

მრავალწლოვანი, 2 მ-მდე სიმაღლის მცენარეა; ღერო სწორმდგომია; ღეროსეული შუათანა და ქვედა ფოთლები ფრთისებრ განკვეთილია; ყველა ფოთოლი 4-11 წყვილამდე ლანცეტა ფოთოლაკისაგან შედგება; ყვავილი თეთრია. გამოყენება: კატაბალახას ფესვებს იყენებენ როგორც დამამშვიდებელ საშუალებას ცენტრალური ნერვული სისტემის ქრონიკული ფუნქციური მოშლილობის, უძილობის, შაკიკის, ეპილეფსიის სამკურნალოდ. აგრეთვე გულის ნევროზის, ბაზედოვის დაავადების და ავიტამინოზის ზოგიერთი სახეობის დროს.


სამკურნალო მცენარეები

კატეგორია: მცენარეები, ჯანმრთელობა

პატივცემულო მომხმარებელო, თქვენ შემოხვედით როგორც დაურეგისტრირებელი მომხმარებელი, გთხოვთ დარეგისტრირდეთ და შემოხვიდეთ საიტზე თქვენი სახელით.


კომენტარების დამატება

სახელი:*
ელ-ფოსტა:*
კომენტარები:
შეიყვანეთ კოდი: *